Hiti: 8°C, vindur S 10-12 m og upp í 30 m í hviðum. Við vorum í Hafnargerði og Halldór kláraði að þjappa mölina inni í húsinu og í kringum það. Þetta er mjög fínt núna, næstum eins slétt og malbik. Ég tók upp það sem eftir var af brokkolí, það var ekki mikið, þetta gekk ekki eins vel í sumar eins og í fyrra. Tók líka upp hnúðkál, nú er það ekki eins gott, svolítið byrjað að tréna. Tók líka gulrætur, þær eru enn mjög góðar og talsvert er eftir af þeim.
 |
| Halldór að fara síðustu hringina með þjöppuna. |
|
Nú er orðið haustlegt um að litast.
 |
| Gullrifsið er teinrétt og með ótrúlega fallega haustliti. |
 |
| Gullrifs og blátoppur. |
 |
| Af holtinu, með stækkkun. |
 |
Af holtinu, með stækkun og aðeins úr fókus.
|
 |
| Reynir og ösp í Norðurstykkinu. |
 |
| Blæösp nr. 1 |
Ég var í Svedala og Lundi í síðustu viku og safnaði fræi af hrossakastaníu, kastaníu og hlyni. Hlynurinn er líklegast purpurahlynur, móðurplantan afar falleg með mjög stórum laufblöðum (Frá Lundi). Hrossakastanían úr dýragarðinum í Kaupmannahöfn og úr Svedala, kastaníurnar úr Svedala. Búin að sá þessum hnetum í 6 stórar fötur, þær verða úti fyrst um sinn.
25. júní 2018 - Flottar hrossakastaníur og hlynir, en kastaníur spíruðu ekki.
No comments:
Post a Comment