Fimmtudagur 31. mars 2022

 Vorverkin hafin. Frost er farið úr jörðu, einstaka skaflar eru eftir en undan þeim kemur gróðurinn í góðu standi og páskaliljur eru farnar að láta á sér kræla. 

Við stungum niður 200 græðlingum, aspir og jörvavíðir. 

Allar þessar aspir hafa vaxið upp af græðlingum undanfarin ár. Sú sem er fremst á myndinni er um það bil 170 cm, aðrar eru margar á bilinu 100-150.  Fáeinir græðlingar voru settir niður 2015 og svo eitthvað á hverju ári síðan. 

Stærsta seljan var farin að hallast ógnvænlega, líklegast er jarðvegurinn farinn að skríða undan henni. Hún var bundin við staur og rétt af. Vonandi nær hún að festa sig aftur.