Sunnudagur 28. apríl 2019

Fínt veður í dag, skiptust á skin og skúrir, en hlýtt og nokkuð lyngt, hvessti ekki fyrr en um kvöldið.

Sun 28.04 kl. 15:00

5 m/s

6 m/s  /  11 m/s

11,5 °C

17,6 °C

65 %

Kláraði að prikla spergilkál, hnúðkál og rauðrófur. Raðaði þessu í gróðurhúsinu og breiddi akrýldúk yfir, heldur betur raka og vonandi heldur það músum frá. Nokkrar pínulitlar kartöflur sem ég setti í pott fyrr í vetur vaxa vel, setti þær í ker inni, ásamt baunum. Í hinu kerinu virðist seinselja vera að taka við sér, í það ker fór líka kúrbítur og sólblóm.
Halldór setti upp fuglahús úti, maríuerlan kemst ekki lengur inn í hænsnahúsið, nú er að sjá hvort þetta passar fyrir hana.