Sunnudagur 17. maí 2020

Yndislegt veður í dag, sólskin og hiti.

Sun 17.05 kl. 15:00

4 m/s

6 m/s  /  11 m/s

8,9 °C

19,6 °C

45 %

Lára og Maja voru í heimsókn, þær notuðu daginn í dag og í gær (sem var heldur kaldari) til að drullumalla á akrinum. Við fórum í fjöruna í dag og þær léku sér heilmikið, vildu helst ekki fara heim. En Rakel sótti þær. Hún fékk blóðrifs og koparreyni til að hafa í pottum á svölunum sínum.

Ég hef smám saman náð upp runnamurunni hér í garðinum við Austurholt og í dag gróðursetti ég hana nyrst á akrinum, innan við sólberjarunna. 

Í keri eru hindberin að vaxa í eina bendu, ég bjargaði frá þeim einni lyngrós og einni  bóndarós, en allt í einu kom upp bóndarósin "Shirley Temple". Ég man ekki til að hafa nokkuð séð hana í fyrra. Færði þær í önnur ker. 

Priklaði ilmreyni, í 6xfp35. 

Páskaliljurnar eru æðislegar.