Sunnudagur 2. júlí 2023

 Þokkalegt veður, 13°C en allhvöss N-átt. Engin rigning, en síðustu viku hefur rignt hressilega, síðast 20 mm frá föstudegi til laugardags. Því hefur frestast enn að setja niður grænmetið. 

Í nokkrum skorpum setti ég niður 30 grenitré, allstórar pottaplöntur. 

Þær fóru á nokkra staði, 2 í ruðninginn N-megin, 5 vestan við akurinn, 8 stykki í brekkuna sunnan við skúrinn og restin N og NV við verðandi trjásafn NV við akurinn. 

Brekkan ofan vegar og sunnan við lækinn.

NV við verðandi trjásafn.

Líka NV við verðandi trjásafn. 

.Setti niður í trjásafnið 3 tré sem vaxið hafa í keri í nokkur ár, 1 greni, sem líklega er rauðgreni, 1 rautt birki og ein hrossakastanía. 

Setti líka rauðgreni V við akurinn, nálægt gamla birkinu. Það var gjöf frá Sólveigu og Ólafi Ragnari.