Þokkalegt veður eftir óveðrið í gær, 6°C og S 7. Í gær fór vindur yfir 52m/sek í hviðum.
Girðingar fóru illa í rokinu, en húsið skemmdist ekki meira.
 |
| Brotin girðin austan við vinnusvæði. |
Við löguðum nokkrar girðingar, en nú er áhersla á ræktun. Við sáðum hvítlauksútsæðinu í 4 kassa og settum garðahlyninn í stóran pott. Hann er farinn að opna laufið svo hann fær að vera inni.
 |
| Grenið utan við girðinguna sést vel | | upp úr sinunni. |
Þá kláraði ég græðlingana af loðvíðinum frá Borg, þetta urðu 25 x fp40 bakkar. Þeir verða úti í sumar, loðvíðir er oft lengi að komast af stað, en í haust eða næsta vor fara þeir allir upp á sléttuna. Ég sáði trjáfræi frá Trjáklúbbnum, Sambucus canadensis (ameríkuyllir), og Tilia americana. 1/2 bakki af hvoru. Halldór klippti græðlinga af öspunum, þeir verða settir niður á morgun, ásamt nokkrum greinum af ýmsum víði sem brotnað hafa í vetur, undan snjó, eða í storminum núna.
Svo blönduðum við mold í steypuhrærivélinni. Talsvert mikill hávaði, en meðan vélin snérist klippti ég græðlinga.
No comments:
Post a Comment