Miðvikudagur 1. nóvember 2017

Það var fínt veður í dag, 1°C og logn. Hvassviðri í gær og spáð aftur á morgun. Við fórum niðureftir og vorum aðallega að líta eftir. Ég hef safnað fræi af elri og af furum, átti núna fræ í stórum innkaupapoka og dreifði því um sléttuna, án þess að þurrka fræið og hreinsa úr könglunum.
Svo gekk ég frá dalíunum, sem heldur betur eru að fjölga sér, einskum þessar rauðu. Þær gulu og hvítu eru stærstar, og þær fjölga sér ekki eins mikið, enda verð ég fljótlega í vandræðum með þetta. En ég klippti ofan af þeim og raðaði hnýðunum í frauðplastkassa inni í gáminum, það verður að koma í ljós hvort þau þola það frost sem kemur þar.

Risa-rauðviðurinn fyrir nokkrum dögum. 

Nokkrum dögum síðar skall veturinn á með svakalegri haustlægð og frosti í kjölfarið.