Föstudagur 17. apríl 2020

Alveg þokkalegt veður, smá vindur og sólarlítið, en milt.  Enn er langt í að frost fari úr kerjunum.

Fös 17.04 kl. 17:00

10 m/s

11 m/s  /  16 m/s

7,7 °C

8,8 °C

90 %

Var hjá Sædísi fram eftir degi. Við vorum m.a. að potta sumargræðlinga frá því í fyrra, sem ég tók flesta. Við tókum 7 fp40 bakka af geislasópi, og úr því komu nálægt 100 fallegar plöntur. Sem sagt, 60% afföll. Sjálf tók ég marga græðlinga og þeir eru allir dauðir.

 Japanskvisturinn "Hólmfríður" sem ég kom með úr Hafnargerði stóð sig hins vegar mjög vel. Við finnum ekki alveg taktinn. Birkikvistur kom vel út líka, en sýrenur ekki.

Í dag tók ég 50 græðlinga af jörvavíði og setti í frauðkassa. Nú stendur til að búa til limgerði úr jörvavíði til að nota í græðlingaefni. 

Annar kassi er tilbúinn fyrir græðlinga, en enn er ekki hægt að stinga neinu niður. (Bætti við meiri jörvavíði í hinn kassann).