Þriðjudagur 7. apríl 2020

Það snjóaði heilmikið um helgina og í dag gekk á með éljum, en sólskin inn á milli.

Þri 07.04 kl. 13:00

7 m/s

7 m/s  /  11 m/s

1,2 °C

0,3 °C

83 %

Við fórum niðureftir um hádegið. Stór skafl var á veginum og drulla undir svo við komumst ekki alla leið.

Gaf hænunum brauð og opnaði hjá þeim í svolitla stund, en þær sýndu því engan áhuga að fara út.

Það eru skaflar yfir öllu vinnusvæðinu og ekkert farið að gerast, en nú er von á hlýrra veðri á næstunni. 

Það lítur út fyrir að risafuran hafi endanlega gefist upp þennan veturinn. 

Fuglar: Stór hópur af þröstum var á vappi milli grenitrjánna og hafði varla tíma til að líta á okkur. Álftahjónin eru komin, þau flugu yfir á meðan við vorum á svæðinu. Held jafnvel að ég hafi heyrt í hrossagauk, en er þó ekki alveg viss.