Loksins er að hlýna, hitinn var áreiðanlega hátt í 20°C í dag, en nokkur gola (12-15m/sek).
Við fórum á Miðhraun í gær, mánudag og gróðursettum allan daginn. 2 raðir eru komnar, eigum eftir einn legg, frá afleggjara og niður fyrir "raðhús".
Þetta gekk vel, og um nóttina og í dag rigndi, svo þessu ætti að vera óhætt.
Við byrjuðum á sunnudag að setja niður grænmeti í Hafnargerði, aldrei hafa plönturnar farið svona seint niður. Sem betur fer var ég ekki með mikið magn í ár.
Og framhaldssagan af minkinum. Hann komst greinilega ekki út úr kofanum, þar lá hann dauður á sunnudag. Í dag fann ég svo dauðan minkaunga og fór með hræin til rebba (við eigum stefnumótastað). Rebbi hafði þá sótt öll hænsnahræin.
No comments:
Post a Comment