Laugardagur 17. október 2016

Gott veður í dag, sólskin og hægur vindur, hiti í kringum 10°C.
Við fórum í gróðursetningar, enda hefur ringt ágætlega í vikunni. Við settum niður 3 bakka af jörvavíði (95 heilar plöntur) og 2 garðasýrenur frá trjáklúbbnum, nú á helst að koma restinni af þeim út. Svo tókum við 6 lítil sitkaelri, sem hafa sáð sér allt í kringum stórt elri við girðinguna. Þessi litlu elri settum við hér og þar milli annarra plantna.
 Þá settum við niður páskaliljur, 40 gular, venjulegar, og 15 sem eru ýmist fylltar, hvítar eða tvílitar, gular og appelsínugular. 
Á heimleiðinni gróðursettum við 3 'Ugga' og 3 jörvavíði við gömlu öspina við veginn og klipptum af henni kalsprota. Hún er ansi einmana þarna og vex lítið sem ekkert. Reynar er önnur enn minni skammt frá, við höldum að þær hafi gott af félagsskap þarna.