Sunnudagur 26. maí 2019

Frábært veður í dag, sól og hiti.

Sun 26.05 kl. 16:00

7 m/s

7 m/s  /  10 m/s

13,7 °C

23 °C

47 %

Við tættum akurinn tvisvar í dag og einu sinni í gær. Fórum einu sinni yfir neðri hlutann.  Það hefur ekki oft gerst að við höfum haft tíma (vegna veðurs) til að tæta svona vel og láta grastoppana þorna. Það var erfitt að tæta fyrstu umferð, en svo léttara. Við tætum mjög grunnt, eða bara nóg til að stoppa illgresið.
Byrjuðum svo aðeins að merkja fyrir stígum og nýjum vegi. Halldór fór með orfið og sló þar sem stígur á að vera í NV stykki. Orfið er svo öflugt að það er jafnvel hægt að slá þúfur með því.
Við höfum ekki gróðursett í nokkra daga, enda er alveg þurrt núna. Settum samt niður eina plöntu á tjaldstæðinu, það er fyrsta rauða birkið sem við plöntum út. Þar var áður logalauf, það virðist dautt eftir veturinn svo við fjarlægðum það. Við hliðina er komið efnilegt rótarskot af blæöspinni.