Laugardagur 23. júní 2018

Hellirigning í dag, hiti um 12°C og allhvasst af S um miðjan daginn.
Halldór kláraði að tæta akurinn og gera götur á miðvikudaginn og þá setti ég niður nokkrar plöntur og svo meira í dag. Allar rauðrófurnar eru komnar út, en mest er eftir af brokkólí og um helmingur af hnúðkálinu.

Koparreynir, nýpottaður með banana.

Pottaði nokkrar vanræktar koparreyniplöntur, prófaði að setja þær í nokkuð stóra potta og setja banahýði með.
Gróðursetti 2 stykki af balsamþin sem Sædís gaf mér fyrir löngu, en hafa verið vanræktar í pottum í langan tíma.
Í gróðurhúsinu spíraði Scisandra chinesis, frá Trjáklúbbnum. Þetta er einhvers konar vínviður, vafningplanta. Til hægri er koparreynirinn, glittir í brokkólí og örsmáar birkiplöntur.

Spírun

Blómstrandi blóðheggur.

 Blóðheggur í norðurstykkinu er í fyrsta sinn að blómstra talsvert (eitt blóm kom í fyrra). Blómin sjást þó ekki mjög vel.