Í gær náðist að raka tvö beð á akrinum og sá þar gulrótum. Það er í seinna lagi, en gæti þó gefið einhverja uppskeru.
Fór í Hafnargerði um 8.30, þá var þar 9°C en hitinn var kominn í 18°C um 11 og fór yfir 20°C síðdegis. Í dag var mikið um að vera. Allir karmar opnaðir fyrir hádegi. Fór svo í Skallagrímsgarð til að ná í blæösp í samráði við Steinunni. Skúli (sem annast viðhald í Borgarnesi) hjálpaði mér að grafa upp rætur. Við Halldór settum nokkra græðlinga í mold í keri, tveir þeir stærstu vaxa á sömu rót og þeir fóru beint út, á holtið í heimagarðinum. Halldór setti stuðning við það, en rótarkerfið er mjög veigalítið.
Um miðjan daginn var útskrift í MB, en síðdegis fórum við aftur af stað. Nú náði ég að raka 3 beð og Halldór sáði hnúðkáli í 2 þeirra og við settum rauðar kartöflur í eitt. Við héldum áfram til 7.30, fórum þá heim að borða og fórum aftur um kl. 22 til að loka körmunum, þá var ennþá 16°C og svolítil hafgola.
No comments:
Post a Comment