Sunnudagur 22. júní 2014

Hlýtt veður, 12-13°C (bíllinn sýndi 16°C kl. 18). Smávægileg hafgola, sól mestan part dagsins.  Úrkoma síðustu viku 35 mm.
  Akurinn er ennþá mjög  blautur, en ég lét mig hafa það að setja niður það sem eftir var af hnúðkálinu, um það bil 12 bakkar. Setti mjög þétt og henti öllum plöntum sem mér fannst ekki vera vænlegar. Það hnúðkál sem þegar er komið út á akurinn hefur strax tekið við sér. Þessar ljótu skemmdir sem við sáum á rótunum segir Sædís vera af völdum svepps, ég þarf að afla mér nánari upplýsinga um það.
 Við fórum til Reykjavíkur og komum heim með fururnar sem voru á Mógilsá og nokkrar fleiri plöntur. Grenið sem er þar hefur heldur betur tekið við sér í sumar, en ég ætla að láta það vera inni eitt ár í viðbót.