Sunnudagur 8. júní 2014 - Hvítasunnudagur

Hitabylgja föstudag til sunnudags. Hiti vel yfir 20°C og logn lengst af. Sólskin föstudag og laugardag, en í dag var svolítið mistur, en hitinn mikill. Í kvöld kl. 23 var 14°C og logn.
 Úrkoma vikunnar 11 mm. 
 Nú er búið að tæta allan efri hluta akursins og setja kartöflur í 2 efstu beðin. Ísl. rauðar í bæði, karktöflur úr Kaupfélaginu í efsta beðið en frá okkur í Hafnargerði í það neðra. Við náðum ekki að gera mikið meira, Auður var í heimsókn með drengina sína og Sam. Ég var hjá Sædísi laugardag, þar var mjög mikið að gera. Náði samt að potta 16 Sorbus decora eða Skrautreyni, ég er búin að gera margar tilraunir til þess að koma upp skrautreyni en það hefur ekki tekist fram að þessu, eða þá að merkingar hafa týnst. Þessar plöntur líta mjög vel út.